Canadami-Niufulâmi Labradorimilu Labradoriup Imappiani Utsualulittânik Pivlugu katimajiujuit (C-NLOPB) Kinijajut uKausitsaKajuKappat pivlugit asiangutitausot AllaKutiujuit pitjutilet AvatiKutiujop Kaujisattauninganik naillitillugu Kallunâtitut (SEA), Labradoriup Imappingata IkKangani. Tamanna SEA sivitujummagiulluni kamagasuanniuvuk avatiKutiujop Kaujisattauninganik, kamadlunilu avatiKutiujumik sukkuigajattunik suliagigatsaugajattunik pigiasititsijuKappat, ubvalu sunanik maligatsaujunik kajusiudjaujuKappat. Tamatsumani Kaujisannimi SEA Kaujijaujuit atuttaulâttuit ilangatigut ikajullutik katimajiujunik isumatsasiunninginni nunak pivlugu pivitsamik pitâttisijutsaumangâmmik iliungajumik ubvalu iluittolungikkaluappat Labradoriup Imappingata IkKangani, kajusititsigajattumik suliagigatsaujunik utsualunnianik pivlugu.

Tamakkua C-NLOPB-kut titigalaukKut Kaujititsiutinik SEA pivlugu imappik Labradorimi, Augos 2008-imi, Kaujititsiutiujumillu atuinnaguttisivut isumaKautiKallutik Kanuk akunettiginiammangâmmik tamanna allaKutiujuk titigattaulaummanit. Tamanna Kaujititsiutiujuk atuinnauvuk Kimiggutaugianga Kagitaujami omani https://www.cnlopb.ca/sea.

Tamakkua C-NLOPB-kut kamavut Kaujititsiutet atuinnaguttitaunninginni ikajuttiKadlutik SuliaKaKatigettiujunik itsivaKatigettilugit C-NLOPB-kut amma Nunatsiavukkut kavamanga, ilaliutiKatauttilugit federal-liup prâvinsiulu kavamanginnit kivgatuttiujuit, utsualunnianimmi, kiaslenimmilu, amma ogannianiup mitsânut suliaKapviujunik, NunaKakKâsimajollutik timikKutiujunut, ilinniavitsualigijinik, amma kavamaujunut ilinganiKalugatik timikKutiujunik. C-NLOPB-kut atuinnaguttilaugivut asiangutitausomik AllaKutiujunik titigasimajunik kamausiujunik ikajuttaudlutik SuliaKaKatigettiujunut. Tamannalu naillititausimalluni titigasimajuk Kaujititsiutik âkKitausimalikKuk atuinnauvullu tamâgitigut allasimalluni Inuktitut, Allatitullu (Innu-aimun). Allasimajuit uKausigijaugumajuit tamanna AllaKutiujuk Titigasimajuk pivlugu, tigollatausonguniattuit Kitigalillugunut June 2, 2017.

Ilonnaita uKausigijausimajuit allatausimalâkKut C-NLOPB-kut Kagitaujangani allauset/uKâlauset atuttausimajut malillugit. Ilonnaita titigasimajuit Kaujititsiutiusimajuit pejattaulâkKut, kisimi titigasimajollutik taijaugusigijangit tigujautillugit. kinakiak kivgatuttauluni taijausimappat allatausimajuit pivlugit, kiugumalluni allasimajuk angittauKâgialik allatausimajuit tigujaugunnaKâtinnagit. C-NLOPB-kut kamagasuaniangimaittuit allasimajojâllutik, allasimajuit uKausigisimajanginnik.

katimajiujuit pivitsaKattitauvut atungigiamik allatausimallutik uKausiusimajunik, isumagijauppata tukiKangitonninginnik ubvalu ilinganiKalungipata tamakkununga Labradorimi SEA Kaujititsiutinginnut. UKausitsaugumajuit aititaugunnatuit tugâpvimut allasimajumut atâni ubvalu Kagitaujakkut omunga: information@cnlopb.ca.

Canada-Newfoundland and Labrador Offshore Petroleum Board
5th Floor, TD Place,
140 Water Street
St. John’s, NL
A1C 6H6

Tusagatsaliuttet Tugâpvinga:
Sean Kelly M.A., APR, FCPRS
Manager, Public Relations
709-778-1418
709-689-0713 (Cell)
skelly@cnlopb.ca